Tomáš Botló – Mangav tut, av pale

Tomáš Botló – giľavel u bašavel, amaterikanes bašavel pre gitara, no nekh buter pre zongora, oda sikhľolas pro Themeskro konzervatorijum andre Braťislava. Kerel peskre autorska giľa, khere peske kerďas o študijo, u hino the but lačho hangoskro technikos. Tomáš del jekhetanes o romano bašaviben the o moderna žanri, sar hine o džez, funk, hip-hop, latino, flamenco, pop tu oda žanrovo sinkretizmus lestar kerel buchlo multikulturno the multižanrovo bašaldes. Kerelas jekhetanes buter slovaťika the avrune raperenca the artistenca. E giľi “Mangav tut, av pale” hiňi leskri, o lava the e melodija kerďas Tomáš Botló.

Dokumentimen: 21. novembros 2013