Teri Čikoš – O Tatry

Teri Čikoš hiňi andal e braťislavsko lavutarengri fameľija, andre savi imar buter generaciji bašaven. The oj kadi tradicija šukares ľidžal angle. Bašavel pro klaviris, pre gitara, pro konzervatorijum sikhľol andro bašavibnaskro u dramaticko odboris. Pre zakladno umelecko škola sikhavel o giľavipen. Lakro single le tituloha Pozri (Dikh) resľas o than maškar o deš nekhbuter bašade giľa andro slovaťika radiji. Kerel o koncerti peskra bašavibnaskra grupaha, hiňi the e moderatorka, u ačhavel peskri lačhes kerďi pozicija andre pop-kultura pre Slovaťiko.
E muzika pisinde e Teri Čikoš the o Tomáš Edelsberger. O lava pisinďas e Teri Čikoš.O video la giľaha sas kerdo andro džido koncertos pro Roma Spirit kidipen, 16.7.2021 andro Kežmarok.

Dokumentimen: 16. julos 2021