Peter Balogh Orchestra hino o bašavibnaskro ansamblos kerdo andro berš 2017, kerďas les u o artistikano direktoris hino o lavutaris Peter Balogh phureder. O lavutara andro orchestros pen paruven, no e intrepetačno kvalita ačhel sakovar uči. O repertoaris učharel buchlo žanrovo spektrum, nekbuter e filmoskri muzika, e opereta, džez, o ungriko folkloris the o evergreena.
O video sikhavel sar bašade e kompozicija Milord, savi phirel maškar o nekbuter prindžarde giľa so giľavelas e francuziko šansonijerka Édith Piaf. E melodija andro berš 1959 pisinďas e francuziko kompozerka the pianistka Marguerite Monnot, o lava vaš e giľi pisinďas o giľavno the lekhavno George Moustaki.
O džene andro orchestros u pre soste bašaven:
Peter Balogh phureder – e angluňi lavuta
Peter Balogh terneder – e lavuta
Mario Balogh – e lavuta
Samuel Balogh – e bari bugova
Vladimír Plachetka – o piano
Kerdo andro Teatro Viola, Prešov, 8.12.2025
Dokumentimen: 8. decembros 2025
