Peter Balogh Orchestra – Leperiben pro Toronto

Peter Balogh Orchestra hin e kapela, savi chudľas andro berš 2017, oda kerďas o Peter Balogh phureder, o lavutaris the o artikano šerutno. Andre orchestra bašaven o lavutara pal o Slovaťiko the Ungriko. Bašaven na ča pre Slovaťiko, no the andro buter thema andre Europa the Azija. O repertoaris andre kapela hino kerdo buter žanrendar, nekbuter o filmovo bašaviben, e opereta, džez, slovaťiko the ungriko folkloris u avka vičinde evergreena.

E kompozicija pisinde o Sándor Járóka st. u Sándor Járóka ml., o dad le čhaveha, so duj džene phiren maškar o absolutno nekfeder romane primaša andre maškarutňi Europa. E kompozicija hiňi pal o droma pal e Kanada the Opruňi Amerika u e serija koncerti vaš o ungrika emigrantska komuniti. E originalno verzija hiňi komponovano sar o moderno salonoskro bašaviben. Hine but verziji, save pen bašaven, akana la sar o štandardos bašaven the o bared lumakre interpreta andro štilos jazz manouche.

O video sas kerdo 16.8.2023 andre M Aréna andro Prešov, sar o kotor andre dokumentacija pal o romane cimbalova kapeli, save kerel o DICRK.

Ko the pre soste bašavel:

Peter Balogh st. – e lavuta, o primašis
Peter Balogh ml. – e dujto lavuta
Jónás Géze – e cimbalma
Bakoš Kálmán – e brača
Sarközy Pál – e bari bugova

Dokumentimen: 16. augustos 2023