Peter Balogh Orchestra – Šargo čižma

Video

Peter Balogh Orchestra hin e kapela, savi chudľas andro berš 2017, oda kerďas o Peter Balogh phureder, o lavutaris the o artikano šerutno. Andre orchestra bašaven o lavutara pal o Slovaťiko the Ungriko. Bašaven na ča pre Slovaťiko, no the andro buter thema andre Europa the Azija. O repertoaris andre kapela hino kerdo buter žanrendar, nekbuter o filmovo bašaviben, e opereta, džez, slovaťiko the ungriko folkloris u avka vičinde evergreena.

E kompozicija Zöld szalagos a kalapom (Šargo čižma) le beršestar 1985 hiňi e popularno čardašovo giľi. O orchestros la bašavel andro duj kotora: o lokho kotor – lassú u paľis o sig kotor – friss. O lava ki e giľi kerďas o Menyhért Lakatos (o prindžardo romano lekhavno, scenaristas u kompozeris andro Ungriko), e muzika pisinďas o Tivadar Fatyol (o lavutaris andro Rajkó Zenekar). E giľi kerde sar e centralno melodija vaš o ungriko filmos Átok és szerelem (O košiben the o kamiben).

O video sas kerdo 16.8.2023 andre M Aréna andro Prešov, sar o kotor andre dokumentacija pal o romane cimbalova kapeli, save kerel o DICRK.

Ko the pre soste bašavel:

Peter Balogh st. – e lavuta, o primašis
Peter Balogh ml. – e dujto lavuta
Jónás Géze – e cimbalma
Bakoš Kálmán – e brača
Sarközy Pál – e bari bugova

Dokumentimen: 16. augustos 2023

Kategorija: