Peter Balogh Orchestra – O februarovo kamiben

Peter Balogh Orchestra hin e kapela, savi chudľas andro berš 2017, oda kerďas o Peter Balogh phureder, o lavutaris the o artikano šerutno. Andre orchestra bašaven o lavutara pal o Slovaťiko the Ungriko. Bašaven na ča pre Slovaťiko, no the andro buter thema andre Europa the Azija. O repertoaris andre kapela hino kerdo buter žanrendar, nekbuter o filmovo bašaviben, e opereta, džez, slovaťiko the ungriko folkloris u avka vičinde evergreena.

E kompozicija tel o nav O februarovo kamiben kerďas o ungriko kompozeris the lavutaris Járóka Sándor terneder. E kompozicija hiňi inštrumentalno, zoralo solos pre lavuta, o kotora hine andal o romano bašaviben tipicko andro Ungriko. E kompozicija nekbuter o manuša kamen vaš e emotivno melodija the virtuozna kotora bašade pre lavuta.

O video sas kerdo 16.8.2023 andre M Aréna andro Prešov, sar o kotor andre dokumentacija pal o romane cimbalova kapeli, save kerel o DICRK.

Ko the pre soste bašavel:

Peter Balogh st. – e lavuta, o primašis
Peter Balogh ml. – e dujto lavuta
Jónás Géze – e cimbalma
Bakoš Kálmán – e brača
Sarközy Pál – e bari bugova

Dokumentimen: 16. augustos 2023