Peter Balogh Orchestra – E giľi andal e garuďi bar

Peter Balogh Orchestra hino o bašavibnaskro ansamblos kerdo andro berš 2017, kerďas les u o artistikano direktoris hino o lavutaris Peter Balogh phureder. O lavutara andro orchestros pen paruven, no e intrepetačno kvalita ačhel sakovar uči. O repertoaris učharel buchlo žanrovo spektrum, nekbuter e filmoskri muzika, e opereta, džez, o ungriko folkloris the o evergreena.

O video sikhavel sar bašade e kompozicija Song from a Secret Garden (E giľi andal e garuďi bar), savi pisinďas o norsko kompozeris Rolf Undsæt Løvland. E inštrumentalno kompozicija dine avri andro berš 1995 pro debutovo albumos Songs from a Secret Garden. E kompozicija phirel maškar o nekbuter prindžarde moderna inštrumentalna kompoziciji.

O džene andro orchestros u pre soste bašaven:

Peter Balogh phureder – e angluňi lavuta
Peter Balogh terneder – e lavuta
Mario Balogh – e lavuta
Samuel Balogh – e bari bugova
Vladimír Plachetka – o piano

Kerdo andro Teatro Viola, Prešov, 8.12.2025

Dokumentimen: 8. decembros 2025