Peter Balogh Orchestra – Bubamara

Peter Balogh Orchestra hin e kapela, savi chudľas andro berš 2017, oda kerďas o Peter Balogh phureder, o lavutaris the o artikano šerutno. Andre orchestra bašaven o lavutara pal o Slovaťiko the Ungriko. Bašaven na ča pre Slovaťiko, no the andro buter thema andre Europa the Azija. O repertoaris andre kapela hino kerdo buter žanrendar, nekbuter o filmovo bašaviben, e opereta, džez, slovaťiko the ungriko folkloris u avka vičinde evergreena.

E kompozicija kerďas o Dr. Nele Karajlić (Srbija), savo andro berš 1998 kerďas o nevo aranžmanos puraňa rockovo giľatar “Ženi se nam Vukota”, sar e fuzija maškar o žanros balkansko disko (Balkan Brass) u tradično romaňi bijaveskri muzika. O lava andre giľi hine pisimen romanes, originalno la giľaďas o romano giľavno Šaban Bajramovič. E giľi hiňi e centralno melodija andro filmos Kaľi mačka, parno kocuris, le beršestar 1998, kaj e režija kerďas o Emir Kusturica. Peter Balog Orchestra ľikerel o energicko ritmus the melodika, na bašaven o phurďipnaskre inštrumenti, sar andre originalno verzija.

O video sas kerdo 16.8.2023 andre M Aréna andro Prešov, sar o kotor andre dokumentacija pal o romane cimbalova kapeli, save kerel o DICRK.

Ko the pre soste bašavel:

Peter Balogh st. – e lavuta, o primašis
Peter Balogh ml. – e dujto lavuta
Jónás Géze – e cimbalma
Bakoš Kálmán – e brača
Sarközy Pál – e bari bugova

Dokumentimen: 16. augustos 2023