Peter Balogh Orchestra – Bohemikano dživipen

Video

Peter Balogh Orchestra hino o bašavibnaskro ansamblos kerdo andro berš 2017, kerďas les u o artistikano direktoris hino o lavutaris Peter Balogh phureder. O lavutara andro orchestros pen paruven, no e intrepetačno kvalita ačhel sakovar uči. O repertoaris učharel buchlo žanrovo spektrum, nekbuter e filmoskri muzika, e opereta, džez, o ungriko folkloris the o evergreena.

O video sikhavel sar bašade e kompozicija La bohéme (Bohemikano dživipen), o prindžardo francuziko šansonos, savo andro berš 1965 kerďas o Charles Aznavour u o lava pisinďas Jacques Plante.

O džene andro orchestros u pre soste bašaven:

Peter Balogh phureder – e angluňi lavuta
Peter Balogh terneder – e lavuta
Mario Balogh – e lavuta
Samuel Balogh – e bari bugova
Vladimír Plachetka – o piano

Kerdo andro Teatro Viola, Prešov, 8.12.2025

Dokumentimen: 8. decembros 2025

Kategorija: