Mgr. Ondřej Poduška: E politicko participacija le Romengri pre Slovaťiko – o trendi u komparaciji

O trito berš la konferencijakro Aktualna romane študiji III, o organizatoris sas e Themeskri džaňibnaskri kňižňica andro Prešov, o dokumentačno-informačno centrum vaš e romaňi kultura. Jekhetanes e organizacija kerde o Centrum vaš o khetaňibnaskre u psichologicka džaňibena andre Slovaťiko džaňibnaskri akademija u o Inštitutos vaš o romane študiji andre Prešovsko univerzita andro Prešov. E organizacija sas 1. – 2.12.2022, o than sas e Prešovsko univerzita. E hibridno forma diňas o šajipen le džaňibnaskre manušňenge u manušenge te kerel peskri prezentacija, the te sas andal o aver thema. Pre konferencija sas 23 prezentaciji andro pandž panela.
Andro panelos Roma andro historicko u politicko diskurzos sas e prezentacija E politicko participacija le Romengri pre Slovaťiko – o trendi the komparaciji, savi kerďas o Mgr. Ondřej Poduška andal o Nacijonalno demokraticko inštitutos. Del e analiza pal o trendi andre politicko participacija le Romengri andro komunalna buťa prekal o palune deš berša u pal o modeli save dromeha džan o Roma andro politicko dživipen.

Dokumentimen: 1. decembros 2022