LUNA – O poštaris avel

E kapela LUNA Martinostar hiňi e vokalno the inštrumentalno grupa, kaj bašaven štar džuvľa, o absolventki pal o konzervatorijum andro Košice. Lengro repertoaris hino primarno kerdo le romane the slovaťiko folklorna giľa, jekh kotor hine o popova giľa andro sar-folklorna aranžmana, the o klasicko bašaviben.
O džene andre kapela LUNA, the pre soste bašaven:
Petra Cicková – o akordeonos
Bronislava Cicková – e bari bugova
Michaela Kazárová – e lavuta
Stanislava Cicková – o giľavipen, o perkusiji
E giľi O poštaris avel hiňi e popularno rom-popovo giľi, prindžarďi nekbuter andal o slovaťiko filmos Lole sune (1976), kaj o režiseris sas Dušan Hanák u giľavelas la e romaňi giľavňi Věra Bílá. O autora save kerde e melodija the o lava hine akana naprindžarde.
O videos sas kerdo prekal e dokumentacija pal o romane cimbalova kapeli andro berš 2023.

Dokumentimen: 13. julos 2023