Jozef Fečo – Sar pes kerel o portretos

O video dokumentos sikavel sar Jozef Fečo čitrinel o portretos. O manuš pro portretos hino o prindžardo Rom – o doktoris, jekh maškar o manuša so kerde e Internationalno Romani Unija, u lakro prezidentos, kandidatos pro Nobelovo moľipen vaš o smirom andro berš 2001, MUDr. Ján Cibuľa (1932 – 2013), savo uľiľas andro Klenovec. Jozef Fečo (1993 -) hino o romano čitratuno andal o Kračunovce, okres Svidník. Avri phirďas e Maškarutňi umelecko škola andro Prešov, e špecijalizacija pro dizajn the buťi kašteha. O materijalos: zoralo ľil andro formatos A2. Technika: čitripen angareha, kombinovano parňi the kaľi tempera. Bašaviben: Duo Farsa, Jozef Fečo.