Friš Čardáš – Július Žiga le folklorno bandaha

E fameľijakri cimbalovo kapela E folklorno kapela Július Žigaskri keren o dad Július, leskri čhaj Bohdana u leskro čhavo Filip. E fameľija hiňi andal o foros Gelnica u ľikerel džiďi e tradicija te bašavel e romaňi folklorno muzika. Savore trin džene chudle o klasicko bašavibnaskro sikhľuviben, hine o ekscelentna interpreta vaš o repertoaris savo hino barvalo le žanrenca, kaj peren o romano the kotor slovaťiko folklor.
Ko pre soste bašavel:
Július Žiga – e bari bugova, Bohdana Žigová – cikňi bugova, o giľavipen, Filip Žiga – e lavuta, Július Bandy (akhardo) – e cimbalma, Kristián Bandy (akhardo) – e brača, Vladimír Plachetka (akhardo) – o akordeonos.
O inštrumentalno bašaviben, o kapelňikos Július Žiga naprindžarel lakre autoris aňi nav la giľakro, o čardašis hino tradično, bašado andro sig tempo, avka vičindo friss csárdás.
O video sas kerdo 11.12.2021 andro Centrum vaš e slobodno kultura Wave andro Prešov.

Dokumentimen: 11. decembros 2021