Ďusi Band Orchestra – C mol Hora Romanian

E fameľijakri kapela Ďusi Band Orchestra hiňi Perješistar. O permanentna džene andre kapela hine o dad Július Bandy u leskre trin čhave. Andre kapela penge akharen mekh aver lavutaren. Bijo inštrumentalna bašavibena bašaven the o giľa, le folklorno vaj lendar kerde lavenca. Dži akana dine avri duj CD – Romaňi dzeka u Aven, mulatinas.
Andro audiovizualno bašaviben prezentinas e kompozicija C mol Hora Romanian. Bašavel lenca the o Roland Horváth pro klarinetos.
O video sas kerdo prekal o interno projektos vaš e dokumentacija pal o fameľijakre cimbalova kapeli, andro Prešov andro berš 2022.

Dokumentimen: 14. julos 2022