Čirikloro, vaj So phenel o čirikloro

E romaňi interaktivno paramisi le giľenca, Čirikloro vaj So phenel o čirikloro sas kerďi prekal o motivi la paramisatar le Milena Hübschmannovatar, e režija kerďas David Tišer. E paramisi hiňi vaš o terneder školakre beršengre čhavore. E dramaticko paramisi sikhavel e romaňi kulturno tradicija, e čhib u o goďaveripena phure Romendar. Hin o čačipen ča jekh, vaj sakones hin peskro čačipen? Oda hino o phučiben, pal savore roden o palepheňiben o protagonista andre kadi bašavibnaskri paramisi andal e produkcija ARA ART.

Dokumentimen: 27. februaris 2020