A tu, more – Manuša

Andre kapela Manuša bašaven o profesijonalna lavutara. O projektos avel khatar e inicijativa savi kerďas e slovaťiko giľavňi Júlia Kozáková, bašaven o Ľubomír Gašpar pre cimbalma, o Viliam Didiáš pre lavuta, Vojtech „Bélu“ Botoš pre vijola, Ján Rigo pre bari bugova. Andro berš 2022, le pomožipnaha khatar o Fondos vaš o nacijakre minoritengri kultura SR u Bratislavsko samospravno regijonos kerde o albumos, savo pes vičinel Manuša. Pro albumos hine 10 giľa – o tradična romane giľa andro lengre aranžmana.
O dokumentačno the informačno centrum vaš e romaňi kultura chudľas andro berš 2022 te kerel e dokumentacija pal o romane cimbalova kapeli, nekbuter ola, save ľikeren e tradicija andre fameľija.
E giľi A tu, more, hiňi e folklorno giľi pro kheľiben, o čardašis, bašaďi andro 2/4 taktos. O romane lava hine pal e čhaj, savi hiňi bibachtaľi, hoj la e daj lakre piraneskro nakamel borake. E čhaj phenel le čhaveske, hoj peske te arakhel ajsa romňa, savi kamela leskri daj.

Dokumentimen: 1. augustos 2022