E dar

O čitripen čitrinďas o čitratuno Jozef Fečo. O čitro hino andal e kolekcija 10 čitrengri pre tema romano holokaust. Kadi kolekcija pes vičinel Porrajmos. Oda hiňi imar e dujto serija prekal kadi tema. E čitrengri kolekcija kerďas prekal o štipendijum andal o Kultminor.
O čitro kerdo akrilovo farbenca, pro pochtan, 100 cm x 110 cm.
O čitro pes vičinel E dar. O autoris thovel ki o čitro the o lava:
Sikhavel o emociji sar e dar pal oda, sar o slugaďa kerde o mariben andro osadi u ile o fameľiji andro buťakre tabora.
Jozef Fečo hino o absolventos pal e Maškarutňi artikaňi škola andro Prešov, e špecijalizacija o dizajn u artikaňi buťi le kašteha. Interesinel pes nekbuter pal e mimika andro manušikane muja, so oleha avri phenen u so hin pendar sikhaven, lengro tipicko kotor. Vaš e Themeskri džaňibnaskri kňižňica andro Prešov kerďas andro berša 2015 u 2019 duj seriji, jekhetanes 23 bare formatengre čitre te o jekhetano nav O Naprindžarde farbi Romane personalitengre.

Dokumentimen: 19. februaris 2024