O čitripen pro kaštuno phal le romane motivoha, oda o Jan Sajko kerel imar le beršestar 1986. Pre kada kidel o kašt, savo pes avri čhivel, nekh feder le bilačhe kotorenca, save determinen oda, so pes čitrinela. Nekh buter hine o motivi o muja, romane džuvľa the čhaja, o kheľiben, o lavutara. E technika savi kerel nekh buter hiňi e tempera pro phal.
Le beršestar 1986 kerel buťi pre Zakladno škola Jarovňicate, kaj sikhavel o čitripen.
O čitro hino pro phal, 35,5 cm (buchľipen) x 30,5 cm (učipen) x 2,5 cm (buchlo). Pre bangi sera o kašt hino učhardo la kaštuňa morťhaha, e čači sera hiňi vlňito, kovľi. E opruňi the teluňi sera hiňi čhinďi. O motivos hino o lavutaris so bašavel pre lavuta u duj čhaja khelen. Andro varesave thana o phal hino pukimen. Pre čači teluňi sera hine o khera. O čitro kerdo andro berš 2010.
Dokumentimen: 19700101










