O gardista

O autoris le čitroskro hino o čitratuno Jozef Fečo. O čitro hino andal e kolekcija 11 čitrengri pal e tema romano holokaust. O autoris arakhľas e inšpiracija andro lekhavipen khatar e Elena Lacková O mule na aven pale. E o čitre andre kolekcija kerďas prekal o štipendijum andal o Fondos vaš e minoritengri kultura SR.

O autoris del the e deskricipcija kijo čitro, o kotor andal o lekhavipen:
 „Naužar! Adaj tuke o mangipe u podpisin. O zakonos hino anglo Cigana. Aľe te aveha maškar amende, arakheha tuke the tire kale čhavoren… O komisaris marelas o trast mek kana sas jagalo. Phenďas peskro u ispidľas ke leste o formularis.
Pro Michal avľas o šilalo khamľipen. Na, imar pes nadela tele te dikhel, aňi te chochavel! Geľas paš o skamind u o mangipen te džal andre Hlinkovo garda podpisinďas. The te mujeha sar barestar.“

Jozef Fečo hino o absolventos andal e Maškarutňi džaňibnaskri škola Perješiste, o dizajn u džaňibnaskri buťi le kašteha. Nekbuter pes interesinel pal o manušikane muja u lengri mimika, so kamen oleha te phenel, so hino lengro tipicko. Vaš o Themeskro džaňibnaskro pustikengro kher Perješiste čitrinďas maškar o berša 2015 dži o 2019 o seriji 23 bare formatengre čitre vičinde O naprindžarde farbi le manušengre.

Dokumentimen: 19. julos 2022