Elena Lacková

E Šarlota Bottová hiňi e absolventka andal e Maškarutňi profesijakri škola andre Rimavsko Sobota, e kozmetička. O čitratuňipen chudľas te kerel imar kana phirelas pre maškarutňi škola, kaj sikhaven the e estetika. Pro ori pal e estetika sikhľiľas pal o portreta u sar len te kerel, paľis dureder sikhľolas korkori, prekal o informaciji save sas vaj pro internet, vaj andro džande kňižki. Lakri nekpašeder technika hin o grafitovo penkalos. Andro berš 2020 chudľas te kerel the le farbenca u dureder čitrinel o portreta.
Andro berš 2020 chudľas o štipendijum andal o Fondos vaš o pomožipen andre minoritengri kultura SR, kaj te kerel e kolekcija čitre – o portreta le romane lekhavnengre. 
Pro portretos hiňi e lekhavňi Elena Lacková.
Elena Lacková (22.3.1921, Veľký Šariš – 1.1.2003, Košice) hiňi maškar o nekbareder reprezentanta andro romano khetaňibnaskro u politicko-emancipačno procesos andro dujto kotor 20. šelberšipnaskro pre Slovaťiko. Sas e džeňi savi kerďas e moderno romaňi literatura pre Slovaťiko, sas paš e jekhto pale maribnaskri romaňi organizacija (Zväz Cigánov-Rómov, 1969 – 1973), jekh maškar o džene save kerde o jekhto romano perijodikum pal o berš 1989, Romano ľil. Elena Lacková ačhiľas o simbolis vaš o romano keriben pre Slovaťiko.

Dokumentimen: 25. oktobros 2023