O čitro sikavel o cikne khera andro gava paš e Detva. O materijalis pro savo hino o čitro hino sololit, o čitro hino andro kaštuno ramos. Čitrimen sas andro berš 2014.
O autoris hino Tibor Oláh. O amatersko čitratuno bešel andro Plešivec. Uľiľas Detvate, maškar o ochto čhavore. Ki o čitripen les anďas leskro phral Dušan Oláh. Leskri nekh bareder tema vaš o čitripen hin oda, so dikhel avral – e phuv the o gava. Leskro čitripen hino charakteristicko džide farbenca. Čitrinel pro pochtan the pro sololit. Čitrinel oda, pre soste peske leperel čhavorestar. E inšpiracija rodel the andre priroda, so dikhel, olestar kerel o video vaš e dokumentacija.
Dokumentimen: 15. novembros 2017

