Žaneta Štipáková, e solistka andro teatros Romathan giľavel e giľi Bare vešenca pro kidipen paš o Leperibnaskro ďives pro romano holokaust, pre gitara bašavel Jozef Ferko, o hercos u giľavno andro teatros Romathan. O lava the o bašaviben kerďas e Žaneta Štipáková. E giľi hiňi e lokhi giľi, o lava vakeren pal o historikanes prindžarde atributa save pen den le Romenge – kamen le grasten, o phirdo dživipen, priroda. E video dokumentacija sas kerď 24.08.2016 andro Hanušovce opral e Topľa.
Dokumentimen: 24. augustos 2016
