Robert Rigó – e charťikaňi tradicija andre fameľija

Robert Rigó (1953) hino o artistikano charťas andal e Dunajsko Lužna. Andal leskri charťaňi the o Charťikano kher Hefaiston aven le vastenca charťimen objekta. Cikne momeľengre the bare kotora vaj o dominantna vudara. Šaj len arakhen andro savoro Slovaťiko the andro but thema andre luma.
Robert Rigó kerel nekbuter o tradična buťa, zumavel te ľikerel o purane romane charťikane motivi the techniki.
Robert Rigó hino o šerutno andro OZ Charťikano savo andro berš 2018 kerďas o 15. berš vaš o Europakro romano charťikano simpozijum u savo andre Charťikaňi galerija sikhavel o barvaľipen buťengro le charťendar so hine o majstra andre Dunajsko Lužna.
E Dunajsko Lužna imar čirla vičhinenas O trastuno gav. E charťikaňi buťi adej keren buter sar 300 berša u dži akana adaj hin nekbuter charťane pre Slovaťiko.

Dokumentimen: 27. junos 2014