Gemersko-malohontsko muzeum andre Rimavsko Sobota

O muzeum andre Rimavsko Sobota, o pandžto nekpuraneder maškar o muzei pre Slovaťiko, sas kerdo andro berš 1882. Mapinel o multikulturno regijonos Gemer – Malohont, kaj o Roma sas naturalno kotor. Imar le beršestar 1976 odoj hin e ekspozicija pal e romaňi kultura. Šaj adaj te arakhel e kuč publikacija Cigani pre Slovaťiko khatar e autorka Emília Horváthová, the o albumos pal o romane lavutara avri dino andro Budapešť andro berš 1989, andre leskri dujto edicija le beršestar 1927 hiňi e grafika pre savi hiňi e Cinka Panna, the e bijografija pal o jekh maškar o nekbuter prindžarde romane primaša – pal o Márton Dombi, savo sas pal o Gemer.

Dokumentimen: 11. julos 2013