'/%3E%3C/svg%3E){kind=small}
Alexander Daško uľiľas andre osada andro Čierny Balog, sas nekterneder 13 čhavorendar. Sar ov korkoro phenel, o drom andre luma leske phundraďas o bašaviben, te bašavel sikhľolas ciknorestar, paľikerdo le pomožipnaske le dadestar the datar. Adaďives o lavutaris prindžardo na ča pre Slovaťko bararel trine čhavoren. Leskri romňi hiňi Rusiko, leskri fameľija multikulturno, vakeren romanes, slovaťika, rusika the angľicki. Alexander Daško avri phirďas o konzervatorijum andre Žilina, paľis avri phirďas e Pedagogicko fakulta pre Matejoskri Beloskri Univerzita. Buter sar 15 berša kerel o festivalos Romaňi jag, ľidžal peskri bašavibnaskri škola vaš o talentimen romane the naromane čhavore, oda savoro andre Bansko Bystrica.
Dokumentimen: 11. junos 2020