Peter Balogh Orchestra – Jekhvar miro princos avela

Peter Balogh Orchestra hino o bašavibnaskro ansamblos kerdo andro berš 2017, kerďas les u o artistikano direktoris hino o lavutaris Peter Balogh phureder. O lavutara andro orchestros pen paruven, no e intrepetačno kvalita ačhel sakovar uči. O repertoaris učharel buchlo žanrovo spektrum, nekbuter e filmoskri muzika, e opereta, džez, o ungriko folkloris the o evergreena.

O video sikhavel sar bašade e kompozicija Someday My Prince Will Come (Jekhvar miro princos avela), savi andro berš 1937 kerďas o australsko kompozeris Frank Churchill, o lava pisinďas o americko lekhavno Larry Morey. E giľi kerde vaš o jekhto pherdo animovano filmos andro študios Walt Disney, E Jivparňi the efta ciknore.

O džene andro orchestros u pre soste bašaven:

Peter Balogh phureder – e angluňi lavuta
Peter Balogh terneder – e lavuta
Mario Balogh – e lavuta
Samuel Balogh – e bari bugova
Vladimír Plachetka – o piano

Kerdo andro Teatro Viola, Prešov, 8.12.2025

Dokumentimen: 8. decembros 2025