Peter Balogh Orchestra hino o bašavibnaskro ansamblos kerdo andro berš 2017, kerďas les u o artistikano direktoris hino o lavutaris Peter Balogh phureder. O lavutara andro orchestros pen paruven, no e intrepetačno kvalita ačhel sakovar uči. O repertoaris učharel buchlo žanrovo spektrum, nekbuter e filmoskri muzika, e opereta, džez, o ungriko folkloris the o evergreena.
O video sikhavel sar bašade e kompozicija Les Parapluies de Cherbourg (O ambreli andro Cherbourg), savi andro berš 1964 kerďas o francuziko kompozeris the klaviristas Michel Lengrand, o lava pisinďas o režiseris Jacques Demy. E giľi hiňi e centralno melodija andro francuziko filmovo muzikalos sajekh naveha. Paľis latar ačhiľas o globalno džezovo u popovo štandardos.
O džene andro orchestros u pre soste bašaven:
Peter Balogh phureder – e angluňi lavuta
Peter Balogh terneder – e lavuta
Mario Balogh – e lavuta
Samuel Balogh – e bari bugova
Vladimír Plachetka – o piano
Kerdo andro Teatro Viola, Prešov, 8.12.2025
Dokumentimen: 8. decembros 2025
