Peter Balogh Orchestra – Marel o Del, marel

Peter Balogh Orchestra hin e kapela, savi chudľas andro berš 2017, oda kerďas o Peter Balogh phureder, o lavutaris the o artikano šerutno. Andre orchestra bašaven o lavutara pal o Slovaťiko the Ungriko. Bašaven na ča pre Slovaťiko, no the andro buter thema andre Europa the Azija. O repertoaris andre kapela hino kerdo buter žanrendar, nekbuter o filmovo bašaviben, e opereta, džez, slovaťiko the ungriko folkloris u avka vičinde evergreena.

E kompozicija tel o nav Marel o Del, phirel andro žanros halgató – o tradično žanros romaňi muzika, o lokho tempos, e melancholicko melodija, savi vakerel pal o kamiben, pharipen the korkoripen. Halgató hino baro kotor andre romaňi kultura, sikhavel buchles so hin andre romaňi voďi. Kada žanros hino špecijalno zoralo andro romane komuniti andre maškarutňi the vichodno Europa. Vaš kadi giľi nane prindžardo o autoris.

O video sas kerdo 16.8.2023 andre M Aréna andro Prešov, sar o kotor andre dokumentacija pal o romane cimbalova kapeli, save kerel o DICRK.

Ko the pre soste bašavel:

Peter Balogh st. – e lavuta, o primašis
Peter Balogh ml. – e dujto lavuta
Jónás Géze – e cimbalma
Bakoš Kálmán – e brača
Sarközy Pál – e bari bugova

Dokumentimen: 16. augustos 2023