Arpád Farkaš – o vakeriben

Arpád Farkaš hino o bašaldo, klaviristas, absolventos khatar e Maškarutňi umelecko škola andro Košice, akana o sikhavno. Sikhavel o bašaviben pre Zakladno umelecko škola Rožňavate u pro Sukromno konzervatorijum Dezideroskro Kardošisko andro Prešov. Arpád Farkaš aktivno bašavel pro klaviris, hino o džen andro buter bašavibnaskre grupi, maškar lende the o Arpád Farkaš Kvartet, leskri špecijalizacija hin džez. Bašavel pro džezova festivali, andro klubi u recepciji, kaj o repertoaris hino kerdo leskre kompozicijendar u ola džezovo štandarda: Wayne Shorter: Footprints (1967); Miles Davis: So What (1959); George Gershwin: Summertime (1934); Jerome Kern: All The Things You Are (1944); Miles Davis: Solar (1954); Duke Ellington: Solitude (1934) u aver.
O video sikhavel le Arpád Farkaš, sar vakerel pal e džezovo scena pre Slovaťiko, pal e lavutarengri fameľija andal savi hino, u pal o romano bašaviben pre Slovaťiko. O video sas kerdo 11.7.2013.

Dokumentimen: 11. julos 2013