O Igor Radič uľiľas andro berš 1960 andro Klenovec. Cikňipnastar džalas pal e charťikaňi buťi. Kana agorinďas e odborno škola, geľas te kerel buťi andro Jekhetano maľibuťakro družstvo andro Klenovec, sar o charťas. E charťikaňi buťi les sikhade o purane charťikane majstra. Andro berš 1995 kerďas e licencija, savi ľikerel dži akana. Hino o štatutaros andro themutnengro khetaňiben Romaňi artistikaňi charťikaňi buťi, prekal savo kerel o charťikane workshopi. Kerel o industrijalno the artistikano charťiben. Andro charťano kher leske žutinel leskro čhavo, Igor Radič terneder (1984). Pre fotografija hino o trušul. O trušul kerelas štar ďives. O materijalos – e pasovina (trast, sastrin)
Dokumentimen: 18. julos 2013








